منتديات غرباء العراق

اهلا بك عزيزي اذا كنت زائر فيشرفنا تسجيلك وانظمامك لعائلتنا اما اذا كنت عضو فتفضل بالدخول
منتديات غرباء العراق

منتدى لكل من يرغب بحياة المحبه والسلام والصداقه والاخوه والتعارف وووو كل شيء تتمنى ان تعيشه بحياتك

تصويت

هل ستحقق المظاهرات العراقيه اثاراَ على الحكومة
ملينه الجذب I_vote_rcap100%ملينه الجذب I_vote_lcap 100% [ 2 ]
ملينه الجذب I_vote_rcap0%ملينه الجذب I_vote_lcap 0% [ 0 ]
ملينه الجذب I_vote_rcap0%ملينه الجذب I_vote_lcap 0% [ 0 ]
ملينه الجذب I_vote_rcap0%ملينه الجذب I_vote_lcap 0% [ 0 ]

مجموع عدد الأصوات : 2

المواضيع الأخيرة

» ملابس روضه مميزه 01003358542–01200561116
ملينه الجذب I_icon_minitimeالأربعاء نوفمبر 13, 2019 9:12 am من طرف akram.uniform

» يونيفورم شيف 01003358542–01200561116
ملينه الجذب I_icon_minitimeالأربعاء نوفمبر 13, 2019 9:00 am من طرف akram.uniform

» بيع ارواب التخرج 01003358542–01200561116
ملينه الجذب I_icon_minitimeالأربعاء نوفمبر 13, 2019 8:14 am من طرف akram.uniform

» يونيفورم مصانع 01003358542–01200561116
ملينه الجذب I_icon_minitimeالأربعاء نوفمبر 13, 2019 6:56 am من طرف akram.uniform

» يونيفورم مصانع 01003358542–01200561116
ملينه الجذب I_icon_minitimeالأربعاء نوفمبر 13, 2019 6:55 am من طرف akram.uniform

» يونيفورم لعمال الهاوس كيبنج بجميع المجالات 01003358542–01200561116
ملينه الجذب I_icon_minitimeالأربعاء نوفمبر 13, 2019 6:11 am من طرف akram.uniform

»  شركات تصنيع يونيفورم فنادق 01003358542–01200561116
ملينه الجذب I_icon_minitimeالأربعاء نوفمبر 13, 2019 5:25 am من طرف akram.uniform

» شركات تصنيع يونيفورم مستشفيات 01200561116_01003358542
ملينه الجذب I_icon_minitimeالأربعاء نوفمبر 13, 2019 4:43 am من طرف akram.uniform

» شركات تصنيع يونيفورم مستشفيات 01200561116_01003358542
ملينه الجذب I_icon_minitimeالأربعاء نوفمبر 13, 2019 4:41 am من طرف akram.uniform

دخول

لقد نسيت كلمة السر

سحابة الكلمات الدلالية


    ملينه الجذب

    يوليوس قيصر
    يوليوس قيصر
    نائب المدير العام
    نائب المدير العام

    ذكر المواضيع : 115
    تاريخ الميلاد : 22/08/1990
    تاريخ التسجيل : 24/08/2009
    موقعك المفضل : https://ghrabaaliraq.yoo7.com

    ملينه الجذب Empty ملينه الجذب

    مُساهمة من طرف يوليوس قيصر في الخميس سبتمبر 10, 2009 6:10 am

    مل مني القلم ومن القلم مليت
    عمت عينه قلمنه الما نفع شِعره

    تعب حته الشِعر ويه العراقيين
    وصار بحال اهلنه وبالعراق ادره

    رسمت حروف العراق برسم فنان
    وجمعت اربيل والانبار والبصره

    وگلت لازم حروفي توحد الخوّان
    ما معقوله هيچ تصير فد مره


    ورديت ولگيت دموع عالوجنات
    حروف الي رسمتهه اليوم متطشره

    كردستان تحچي بزودهه وتگول
    احنه العاصمه وبغــداد متأخره

    والانبار شالت سيف عالخوان
    لو ليه الحكم لوفلّش الاسره

    والبصره تگول احنه نريد اقليم
    ومن نفط العراق الكُم فقط عُشره

    وشفت للفتنه والله العراقيين
    دون حروف جر يا ناس منجرّه

    مذبوحه المحبه وناس تكره ناس
    سويه الي يحب والقابض الجمره

    حته الورد ما يرضه بعد بالماي
    من دمنه تريد الورده والشجره

    رقم جبنه قياسي بالقتل والموت
    وصرنه اول شعب نص اهله متهجره

    نهر دجله يـا ناس من الجثث غرگان
    خلي نمد ادينه لدجـــــــــله وانجرّه

    على جثثنه ادور هالفضـــــــــــائيات
    ياهو الي يصــــور ياخذ الاجــــــره

    معصوبه العـــــيون مچتفه الايدين
    وانواع الرصاص يچوب بـــــصدره

    لا اهله اجوي وچــــــــفّنوا بچـــفان
    مجــــهوله الـــهويه ومن درة بأمره

    اذا امّه الــــحنونه الصايمه برمضان
    ما اكــــلت اكلهه وبقت تـــــــنتضره

    تنــــــتضره يرد وتريد تحــجي وياه
    اثاري العيـــــــــد لازم ينگطع مهره

    لان باعت ذهبهه بشارع الصياغ
    حته تزوج ابنهه الما فرح عمره

    ما نامت بقت سهرانه كل اليل
    ايا ليل العراق الما بزغ فجره

    وما جاهه صبر طلعت تدور عليه
    مثل طلعة حمامه بعينهه العبره

    وما شافت ابنهه وجاهه ملك الموت
    تعرف شنهي يعني تموت بالحسره ؟؟

    معناها الفرح صاير مثل رجال
    شايل ورده بيده وخنجر بضهره

    معناها عراقك كاتل ومكتول
    سوده گلوبهم وعقول مفتره

    وكل هذا ويگلي احنه العراقيين
    سنه وبلا طائفه عشنه الحلوه والمره !!

    لا والله چذب احنه العراقيين
    سنه وبلا طائفه مثل الضره عالضره

    ملينه الچذب وليمته وليا دوب
    واقع حال لازم نخضع لامره

    ملينه الچذب وليمته وليا دوب
    قصايدنه اجت للناس متأخره

    نعم خوان احنـــــــــــــــــــــه
    نعم خوّان احنه وياك آني بهاي
    بس مو من بعد تفجير سامرّه

    بعد تفجير سامرّه العراقيين
    مثل فلم الرعب ودمايته الحمره

    مو فتنه صحيح الصايره ابّغداد
    سونامي الفتن بغداد منتشره

    قتل مو عالهويه هواي متوهمين
    صارت عالاسم گص راسه ويشمره

    واليگلي تبالغ انته حيل بهاي
    جبت حجه ودليل وياي هالمرّه

    اتحده بكر واتحده ابو الخطاب
    افن واحد البيهُم يوصل الثوره

    واتحده على واتحده هم حسين
    اذا فلوجه طبهه ومنكسر ضهره

    صـــــــــفر كل النتايج للعراقيين
    بس بالفتنه جابوا عشره من عشره

    هذا يگول سني ناصبي اغتالوه
    وهذا يگول شيعي رافضي نكفره

    ضلّوا بهالسوالف يا خزي ويا عار
    واسرائيل علگت نارهه الــــــكبره

    يول وين الــــــــشرف گدامكم بغداد
    شــــــگّوا ثوبهه واخذوهه متأسره

    غتصبوهه الكُفر ... ما تسمعوهه تصيح
    آنه ام الــــــــــــشرف واليوم مو عذره

    بعد والله ما يــــــــــــــنفعنه قيل وقال
    لات كـــلشي انتهه وانكــــسرت الجرّه


    مرحوم الـــــــعراق استشهد من سنين
    يا وسفه صفـــت أشلائه مـــــتنثره

    متنـــثره بمزابل يمـــهه كوم چلاب
    اكلت من لــــــحومه وما درت سرّه

    صــــير وياي بس هالمره اترجاك
    عيب من الــــــــــــعراق اليوم نتبرّه

    صعبه بمزبله جثة الــــــــعراق تصير
    خلي نشــــــــــيله منهه وندفنه بگبره
    اميرة بغداد
    اميرة بغداد
    غريب ذهبي
    غريب ذهبي

    انثى المواضيع : 33
    تاريخ الميلاد : 02/03/1992
    تاريخ التسجيل : 30/07/2010

    ملينه الجذب Empty رد: ملينه الجذب

    مُساهمة من طرف اميرة بغداد في الأربعاء أغسطس 04, 2010 10:52 am

    شعر على الجرح عزيزي
    ننتظر مزيدك
    تقبل مروري

      الوقت/التاريخ الآن هو الجمعة نوفمبر 15, 2019 3:26 am